Masayang ipinagdiwang ni Carlene Aguilar ang huling araw ng taong 2008 dahil kasama nito ang kanyang anak na si Calix at ang ama ng kanyang anak na si Dennis Trillo. Nasa "good" state na daw ang dalawa matapos nila malampasan lahat ng mga intriga at issues na binato sa kanila.

Mahaba ang pinag daanan ng dalawa bago sila magkaayos. Nauna na sa mga issues na kanilang niresolba ay ang pagkakaugnay ni Dennis kay Christine Reyes kung saan umabot pa sa demandahan ang eksena. Di naglaon ay nakipag hiwalay din si Dennis kay Christine na sa mga hanggang sa ngayon ay hindi pa rin malinaw ang dahilan.

Sa ngayon naman daw ay wala pa ring napapabalitang karelasyon si Carlene. Naidikit sa pangalan ni Carlene last year ang pangalan ng anak ni Lorna Tolentino na si Renz Fernandez ngunit iginiit ng dalawa na magkaibigan lamang sila.


Isang mapangahas na Carlene Aguilar ang makikita ng publiko ngayong 2009 matapos mag pose si Carlene sa Mens magazine na FHM kung saan napasexy ng mga kuha nito habang nakalublob sa ilalim ng tubig. Lutang na lutang ang kaseksihan nito kaya naman tinanong ng press kung ano ang dahilan ng kanyang pagpapasexy.

Sinagot naman ito ni Carlene na sinabing "Tri-ny (I tried) ko lang, gusto ko kasing ipakita na kahit may anak na ang isang tao eh pwede pa ring maging sexy."