Nalaman ng sassyqarla.com na niregaluhan ni Mart Escudero ang girlfriend at on-screen partner nito na si Jennica Garcia ng isang aso na nagkakahalaga ng P12,000.

Nagulat daw at nag alala si Mart na nalaman ng Abante (tabloid) na niregaluhan niya si Jennica. Ayaw na ayaw daw kasi ni Jennica na ginagastusan siya ni Mart. Si Jennica pala eh ayaw na nagbabayad si Mart ng kanilang kinain sa restaurant. Inuunahan daw niya ito at siya daw ang nagbabayad. Aminado naman si Mart na natatapakan ang pagkalalaki nito pag ginagawa ni Jennica yun sa kanya.

Kuwento pa ni Mart, gusto daw ni Jennica pag lumalabas sila, hati sila sa mga bayarin. Suwerte nga naman itong si Mart dahil may Girlfriend siya na hindi pabili ng pabili. Hindi tulad ng ilang babae sa showbiz na walang inatupag kundi magpabili sa mga boyfriends nila. Kaya naman daw ang ginagawa ni Mart, sapilitan niyang inaabot ang pera kay Jennica para ipambayad sa mga nagastos nila.

Legal ang relasyon ng dalawa sa kanilang mga magulang. Nauna nang nabalita na sang ayon si Jean Garcia (ina ni Jennica) sa relasyon nilang dalawa.